કાગનું બેસવું ને…

કાગનું બેસવું ને…

આંખમાં કચરું યે પડયું ને તે ટાણે જ યાદ આવ્યું, ગયેલું સ્વજન

બે આંસુ અનાયાસે સારી પડયા,તો પણ ક્યાં ઘટયું મનનું વજન ?

નાલાયક પર ભારે ગુસ્સો હતો,ગમ્યું મને,એને પડયા પોલીસના ડંડા

મારે કરવી ‘તી,ચાલો એને સજા તો મળી, પડાશે મારાથી થોડા ઠંડા

પ્રસંગ આવ્યો સ્મશાને જવાનો, ભારે હૈયે સમયસર પુરાવી હાજરી

બધાં જ અહીં છોડેલા પ્રિય જન યાદ આવ્યાં,ન મળવાના કદી ફરી

પોતાના જીવનમાં ઘણી વાર આવું જ કાગનું બેસવું બનતું નથી ?

જો કોઈ એ ના સમજી શકે, તો ગેરસમજ થાય છે વાતે અમથી !

કવિ-લેખક કોણે બનવું ‘તું? મને તો નિવૃત્તિએ શાંતિ મજાની પકડાવી

સંજોગોએ અમેરિકા મોકલ્યા,વજનદાર નવરાશે હાથે કલમ પકડાવી

દિપક,મન સાફ,વર્તન સારું,ને પોતાથી ખુશ રહે પોતાના ને અન્ય

જીવન એ રીતે જીવી જાય,દોસ્તો એ જીવનને જ માનો ધન્ય ધન્ય

દિપક ઠોકિયા, ૨૩-૪-૨૦૧૬

Advertisements
Standard

બધું, ફક્ત એક જ

બધું, ફક્ત એક જ

એક જ જન્મ,એક જ બાળપણ,એક જ યુવાની ને વળી એક જ ઘડપણ
એક જ જીવન,ને એક જ મૃત્યુ,કિન્તુ એ એક જ વચ્ચે કેટલાં વળગણ ?

રીવાજ મુજબ મિત્રો,એક જ હોય એની ઉજવણી, જાળવણી અત્યંત જરૂરી
છતાં કેટલાંક સાચવી જાણે,કેટલાંક ખરચી નાંખે,થોડાં તો ના છોડે મગરૂરી

આ બધાં એક વચ્ચે,આંનદ તથા વિઘ્નો આવતાં રહેવાના વિવિધ ને અનેક
આથી જ દોસ્તો,વિતાવો જીવનનો દરેક સમય વાપરી પુરેપુરો યોગ્ય વિવેક

વિવેક શીખવવો જરૂરી સંતાનોને ને તેમના સંતાનોને,તેઓના બાળપણથી
એને તો સંસ્કાર કહીએ,સીંચો પુરો હેતથી, જે બચાવશે જીવનના ગાંડપણથી

કોણે ખરાબ થવું છે?છતાં મળે,ખરાબ બનવા જવાબદાર ઘણા ઘણા કારણો
ખતમ કરો કારણો ,બધાં નહી તો થોડાં, તો જરૂર બચી જવાય, તથ્ય જાણો

સલાહ આપવી સહેલી,સ્વીકારવી મુશ્કેલ,કેટલીક તો પચાવવી અશક્ય માનો
નજર નાંખો સમાજે, વિશ્વાસ મને, વાત સાચી માનશે આજે યા કાલે જમાનો

દિપક,પોતાના એક જીવનને,નંદનવન કે રણ,ઉત્તમ કે કનિષ્ઠ તમે જ બનાવો
એનો યશ કે વાંક તમારા, તો દોસ્તો એ જીવનને નમુનેદાર જ કાં ન બનાવો?

દિપક ઠોકિયા, ૨૩-૫-૨૦૧૫

Standard

સુંદર સારું લાખો

સુંદર સારું લાખો

મિત્રે ટપાર્યો,સુંદર ને સારું સારું લખો
બસ ત્યારથી મગજે ચાલી રહ્યો ડખો

કારણ,એકને ગમે વન, અન્યને મેળો
જો એકને રાખું ખુશ,બીજો દુશ્મન ભેળો

જાણું હું, શક્તિ રહી મારી ઘણી સીમિત
મુજ લખાણ માટે,બ્લોગ બન્યો નિમિત્ત

USA ની મળી ગઈ, વજનદાર નવરાશ
બંદાએ કર્યો એનો લખાણ કાજ વપરાશ

મિત્રોએ,ઉત્સાહ વધારી,લખવા પ્રેર્યો મને
મિત્રો, છતાં આભાર માનું, વંદન એમને

લેખક,કવિએ રહેવું હંમેશ કલમને વફાદાર
વાચકોએ રાખવા, એમને સદા ખબરદાર

દિપક, મા સરસ્વતીનો આભારી ખુબ ખુબ
બાકી એ પોતે તો જાણે,કેટલા પાણીમાં ખુદ. દિપક ઠોકિયા, ૧૫-૯-૨૦૧૯

Standard

માથે ટાલ ! કમાલ !

માથે ટાલ ! કમાલ !

વયસ્ક પુરુષને માથે ટાલ, સમજો એ માલામાલ
ભાઈસાબ, જે કંગાલ, ધરાવશે ઘટ્ટ ને સફેદ બાલ

ભિખારીને કદી દીઠો કોઈએ જે હોય ટાલિયો સાવ?
ગંદા ઝુલ્ફા ધરાવે, ઉપરથી ઘટ્ટ બાલનો સરપાવ

સર્વે કર્યા બાદ લાધ્યું છે,આ અણમોલ મોંઘુ સત્ય
ભુલથી ભુલ ના કરશો,માનવા આ વાતને અસત્ય

આજકાલ, આવાં જાતજાતના સર્વે કરવામાં આવે
ને પરિણામ એવું જ લાવે, જે સર્વે કરનારને ફાવે

વળી,સોસીયલ મીડિયા થયું છે, ખુબ ખુબ બોલકું
દર્શાવે,સુંદર ડ્રેસ મટીરીયલ,હોય સાધારણ ફોલકું

દિપક,વિષય નાજુક,કોઈ અંગત થઇ શકે નારાજ
બંદા, તુરંત બોલી ઉઠશે, માફી દઈ દો મહારાજ

દિપક ઠોકિયા, ૧૩-૯-૨૦૧૯

Standard

જે કોઈનો નથી,એ દગો

જે કોઈનો નથી,એ દગો

“ દગો કોઈનો સગો નહિ” કહેતાં પ્યારા દાદી
ના કોઈને આપો,ના પામો,એ વાત સીધીસાદી

વિશ્વાસઘાત અને દગો,ખુબ નજીકના એ સગા
એકબીજાને માટે બંને હંમેશ રહેવાના હાથવગા

વિશ્વાસે તો વહાણ ચાલે, જુની કહેવત બરાબર
સજ્જનો, વિશ્વાસઘાતને ગણે મહાપાપ સરાસર

વિચિત્ર કેવું? દગો એ જ દે,ભરોસો જે પર ભારે
દગો પામનાર દુઃખી,જગત જાતજાતનું વિચારે !

શંકાથી પર, આજકાલ કોઈ સહેલાઈથી મળે ?
મિત્ર કે જીવનસાથી દે દગો,જીવનભર એ રડે

દિપક, વિષયો ખુટ્યા? તપાસ કર મળે સારા
આવું ચાલુ રહ્યું,નામ મળશે યાદીમાં, નઠારા

દિપક ઠોકિયા, ૧૩-૯-૨૦૧૯

Standard

મોડું થાય છે, રોકો

મોડું થાય છે, રોકો

નારી જાતનું કોઈ પણ પ્રકારે, શબ્દોથી યે અપમાન થતું રોકો
દહેજ,બળાત્કાર,જુલમ બંધ કરી માનવજાતને કલંકિત થતાં રોકો

ભ્રષ્ટાચારના રાક્ષસને રોકો,ને નિર્લજ્જ આતંકવાદ ને પણ રોકો
ઊંચ નીચના ભેદભાવને રોકો અને અનીતિ ના રાજકાજને રોકો

પ્રગતિને આડે આવતા કોઈ પણ પ્રકારના અવરોધને તુરંત રોકો
અન્યાયને રોકો, મોંઘવારી ને કનડતા સમાજના રિવાજને રોકો,

રમત ગમતના ચેડાં ને રોકો, ને અજ્ઞાન ના અંધકારને પણ રોકો
લાંચિયા અમલદારને રોકો,ને નપાવટ રાજકારણીને તુરંત રોકો

બનાવટી બાવાને રોકો,બેફામ લુંટ કરતાં લુંટારાને ત્વરિત રોકો
દેશદ્રોહીઓ ને રોકો,દેશની અંદરના જયચંદોને શોધી શોધી રોકો

દિપક,રોકો રોકો ની ખોટી ખોટી બુમાબુમ કરવાનું નાટક રોકો
જાગો, ઉઠો, દરેકે દરેક સજ્જ થાઓ,દેશને બેઆબરૂ થતો રોકો

દિપક ઠોકિયા, ૧૮-૧-૨૦૧૫

Standard

પરિણામ તો જુઓ

પરિણામ તો જુઓ

જન્મે માનવ ક્યાં સારો કે નઠારો હોય?
નીકળે એવો,જેવો જેવો જેનો ઉછેર હોય

ક્યારેક સંજોગો, ભાગ ઘડતરમાં ભજવે
ને ઘડાયેલી વ્યક્તિ,કદી સંસ્કાર લજવે ?

ભાગ્યશાળીને મળે, ઉત્તમ ઉછેરનો લાભ
કમનસીબ એકલવ્યને,મળવાનો ગેરલાભ

પ્રારબ્ધ કામ કરે,ના છોડો પુરુષાર્થ ક્ષણ
શું ભીષ્મ આપતે શુરવીર? ના હોત પ્રણ

ઇતિહાસે માનવ શીખે થોડું, પાકું- કાચું
દાનવ ના થાય,અને માનવ બને, સાચું

દિપક,યત્ન કરે, સુખી બને માનવ સમાજ
સન્માનવાનો, શરુ કરો સુંદર સારો રીવાજ

દિપક ઠોકિયા, ૯-૧-૨૦૧૫

Standard