પુર્ણવિરામ તો આવશે
છેલ્લો શ્વાસ જીવનનું છેલ્લું પુર્ણ વિરામ બને
એ પુર્ણ વિરામ કદી છોડવાનું મને કે તમને?
અનેક ચિન્હો જીવન દરમિયાન આવે ને આવે
અલ્પવિરામ,આશ્ચર્ય,પ્રશ્નાર્થ,માનવને ગુંગળાવે
અલ્પબુદ્ધિ,સંપૂર્ણપણે,પુર્ણ વિરામને ભુલી જાય
વળી બીજા ઘણા અવગુણો સહિત જીવતો જાય !!
ભલભલા ગયા,ને જવાના,માનવ કેમ જાય ભુલી?
માનવી રાખે કદી કાબુમાં મોંમાં પોતાની લુલી?
માનવ મળે સારા,ઠીક,ના સારાગણાય ના ખરાબ
કોઈ નશામાં, કેટલાંક ના અડકે જીવનભર શરાબ
વિચારો ને ક્યારેય નડતું નથી આપણું પુર્ણ વિરામ
ગયા પછી યે પુજાય,ના કરીએ એ માનવીને સલામ ?
ફરજ પર પુર્ણવિરામ?એથી તો સર્જાય અનર્થ અનેક
શિક્ષક,સૈનિક,ડોક્ટર અટકે તો બને વેરવિખેર છેક
ઈચ્છાઓ પર મુકાય તો મનની શાંતિ મળશે ખરી
ખોટે સમયે મુકાય, બને એવું કે થઇ જાય ખરાખરી
દિપક,પુર્ણવિરામ પર પુર્ણવિરામ મુક,મળે આરામ
સજ્જનોની સંખ્યા દુર્જનો કરતાંવધે તો ,આવે કામ
દિપક ઠોકિયા
લખાણો ની ખાણ ના મોતી 